Presidenti i PL-sw Ilir Meta, pwrmes avokatit Genc Gjokutaj ka ankimuar vendimin e GJKKO për të lënë në fuqi masën e arrestit me burg ndaj ish-presidentit.
Në një prononcim për mediat Gjokutaj e cilësoi vendimin të pambështetur në asnjë provë a fakt, por vetëm në thashetheme.
“Kemi bërë ankim ndaj masës arrest me burg ndaj Ilir Metës. Nuk ka asnjë lloj kriteri për t’u vendosur. Meta ka qenë në dispozicion të hetimit, është një vendim i tipit thashethem. Treçereku i letër-porosive kanë kthyer përgjigje negative. Është një vendim i mbështetur në hamendje”, tha Gjokutaj.
Më tej Gjokutaj theksoi e kanë gati kallëzimin penal për arrestimin e Metës, por presin përgjigje nga policia për të bërë siç e quajti ai një kallëzim të denjë me qëllim që të parandalohen precedentë të tillë.
“PL i ka depozituar kërkesë drejtorit të policisë Ilir Proda dhe ministrit të brendshëm për informacion mbi këtë çështje. Të shohim çdo të na thotë Policia e Shtetit në lidhje me atë operacion. do të na japë a jo përgjigje. Çfarë përgjigje do japë? Ne kallëzimin e kemi gati për ta dorëzuar, por një informacion nga policia e kërkojmë të dokumentuar për të bërë një kallëzim serioz të vërtetë për të vendosur në vend ligjin e shkelur dhe për të parandaluar precedentë të tillë të llahtarshëm”, tha ai.
