E rëndë në Kosovë! Përdh*nohen dy të mitura, njëra prej tyre u sulmua nga 5 persona |

Dy rate të rënda përdhunimi kanë ndodhur në Kosovë ditën e sotme, ku viktimat janë dy vajza të mitura.

Sipas autoriteteve vendase, rasti i parë ka ndodhur në Prishtinë, ku vajza minorene raportohet se është abuzuar seksualisht nga 5 persona. Policia e Kosovës thotë se po kryhen hetime, teksa nuk bëhet e ditur mosha e vajzës.

“Policia e Kosovës në bashkëpunim me prokurorinë kompetente është duke bërë hetime intensive. Me vendim të prokurorit viktima femër kosovare është dërguar për ekzaminim mjekësor.”– thueht në njoftim.

Nga ana tjetër, rasti i dytë ka ndodhur në Pejë, ku vajza vetëm 9 vjeç, dyshohet se është përdhunuar nga një 26-vjeçar.

Lexo edhe:

Deri në dy orë pritjet në Jarinje për të hyrë në Kosovë, kolona 500 metra

Kurti shpërblen me nga 100 euro fëmijët dhe pensionistët në Kosovë për fundvit

“Dyshohet se është kryer vepra penale e “dhunimit” ndaj një të miture me ç’rast personi i dyshuar është arrestuar dhe prokurori i rastit brenda afatit ligjor ka bërë kërkesë për caktimin e masës së paraburgimi. Viktimës i është dhënë mbrojtja e nevojshme, përfshirë mbrojtësin e viktimave, psikologun, prokurorin e shtetit dhe zyrtarët policor, gjithashtu viktima do të dërgohet për ekzaminim mjekësor. Lidhur me këtë çështje kemi mbledhur prova që janë duke u analizuar dhe do të shërbejnë në procedurë penale”, ka thënë zëdhënësi i prokurorisë së Pejës, Shkodran Nikçi.

Lidhur me rastet e përdhunimit ka reaguar edhe Rrjeti i Grupit të Grave në Kosovë që kërkojnë hetim të menjëhershëm nga ana e institucioneve.

“Nuk duhet të lejojmë assesi që dhuna të normalizohet, prandaj, kërkojmë edhe një herë me ngulm nga institucionet përgjegjëse t’i hetojnë rastet me prioritet dhe me seriozitetin më të lartë, ndërsa përgjegjësit, të marrin dënimet e merituara”– thuhet në reagim.