Një shpërthim i fuqishëm është raportuar mbrëmjen e sotme në një lokal në qendër të Prishtinës në Kosovë.
Ne vendin e shpërthimit kanë shkuar forca të shumta zjarrfikëse dhe efektivë të policisë.
Mediat në Kosovë raportojnë se dyshohet se ka shpërthyer një bombol gazi, ndërsa banorët që jetojnë në ndërtesën ku ndodhi shpërthimi janë udhëzuar të dalin jashtë.
Nuk ka ende informacion nëse në momentin e shpërthimit ka pasur njerëz brenda në lokal, ndërkohë nuk raportohet për të lënduar.
Për më shumë informacione pritet njoftim zyrtar nga policia e Prishtinës.
