Gazetari Klodian Tomorri thotë se Progres Raporti i KE-së që iu dorëzua sot qeverisë shqiptare, tregon qartë se vendi ynë ka bërë prapa, sa i përket luftës kundër korrupsionit, krimit të organizuar dhe klimës së biznesit.
Tomorri tha se korrupsioni në veçanti mbetet problem serioz, sipas raportit, dhe mjaft i përhapur në sektorët kyç të administratës dhe institucioneve publike.
Tomorri ndër të tjera, theksoi se raporti tregon qartë se efektet parandaluese nuk kanë pasur asnjë rezultat nga ana e qeverisë shqiptare për ta parandaluar këtë fenomen.
“Kam lexuar Progres Raportin edhe në rastin e Kosovës, ku theksonte se ka bërë progres kundër luftës ndaj krimit të organizuar, korrupsionit dhe klimën e biznesit. Në rastin e Shqipërisë, korrupsioni ishte problem shumë serioz dhe gjithë gjëja rrotullohej rreth SPAK-ut dhe punës që ka bërë.
Reforma në Drejtësi është rezultat i investimit të ndërkombëtarëve, janë të detyruar ta mbrojnë. Fjalët e mira për SPAK dhe Reformën në Drejtësi, arritje të madhe progres raporti cilëson vetting-un e gjyqtarëve, për qytetarin kjo s’tregon arritje.
Korrupsioni, krimi i organizuar është shumë kritik në raport. Korrupsioni mbetet problem serioz dhe i përhapur në sektorët kyç në administratë e institucionet publike, si, policia, kadastra, prokurimet dhe gjithë strukturën e aparatit qeverisës. Efektet parandaluese s’kanë pasur asnjë rezultat nga ana e qeverisë.
Korrupsioni jo vetëm që s’është luftuar e reduktuar, por vazhdon të kthehet në kapilarë, apo në atë që thuhet endemik dhe përfshin të gjithë sektorin publik. Se di se si një kryeministër mund të thotë që ishte i shkëlqyer, ku aty thuhet se je në krye të një qeverie e cila është e kalbur në të gjithë segmentin e saj”, tha Tomorri per Syri tv.
