Sulmuesi i Inter-it, Lautaro Martinez, ka dhënë së fundmi një intervistë, ku ka folur ndër të tjera edhe për objektivat e tij me skuadrën zikaltër.
Argjentinasi deklaroi se qëllimi i tij kryesor në karrierë aktualisht është që të fitojë Champions League-n me Inter-in.
“Gjithmonë them se është kënaqësi të fitosh trofe. Është e vërtetë që tashmë kam pasur fatin të fitoj shumë me Kombëtaren dhe me klubin tim, por gjithmonë duhet të synojmë të fitojmë trofeun e ardhshëm. Sigurisht që të fitoj Champions League-n si kapiten i Inter-it do të ishte si qershia mbi tortë”,-tha argjentinasi.
Lautaro ishte protagonist në fitoren 0-3 të Inter-it në transfertën e Empoli-t mbrëmjen e së mërkurës, me sulmuesin që shënoi golin e tretë për ekipin e tij.
