Një aksident i rëndë automobilistik është regjistruar këtë të enjte në fshatin Pajovë të Peqinit, ku ka humbur jetën një i mitur, 10 vjeç.
Nga informacionet paraprake mësohet se dy automjete janë përplasur me njëra-tjetrën në rrugë. Si pasojë e aksidentit, njëra prej makinave ka dalë nga rruga dhe ka përplasur të miturin, duke i marrë jetën.
Policia ka shoqëruar në komisariat dy shoferët e përfshirë në aksident, Odorian Petriti dhe Mikel Petriti.
Grupi hetimor ndodhet në vendin e ngjarjes dhe po punon për zbardhjen e plotë të rrethanave të aksidentit.
