Partizani ruan kryesimin në Superiore teksa ka marrë tre pikë të rëndësishme në transfertën në Korçë përballë Skënderbeut vendas.
Të kuqtë triumfuan me rezultatin e pastër 0-2 teksa morën avantazhin shpejt me golin e Bintsouka që në minutën e 15-të.
Një gol i ardhur nga një krosim i Kekos nga e majta, që, pas devijimit të topit nga Vasquez, kthehet në assist për sulmuesin e kuq, që nuk gabon, duke tundur rrjetën.
Zhbllokimi i shpejtë i rezultatit i dha mundësinë Partizanit të bazohej në një strategji të mbrojtëse, duke mbyllur të gjitha hapësirat për kundërshtarin, me idenë për të goditur sërish nëpërmjet kundërsulmit.
Skënderbeu e rrezikoi disa herë portën e Partizanit në pjesën e dytë, por pa mundur të gjejë golin e barazimit. Në minutën e pestë shtesë, Partizani ia doli të shënonte edhe golin e dytë po me Bintsoukan, duke vulosur fitoren.
Pas kësaj ndeshje, Partizani ruani kreun në kuotën e 20 pikëve ndërsa Skënderbeu mbetet në vendin e 8-të me 11 pikë.
Klasifikimi:
