Ditën e sotme në orën 16:30 mbyllet afati i aplikimeve për 12 drejtorët e rinj të Policisë së Shteit në Qarqe, ku aplikantët duhet të dorëzojnë në Drejtorinë e Përgjithshme kandidaturën e tyre për të marrë pjesë në garë.
News24 mëson se deri më tani kanë aplikuar mbi 35 kandidatë që kanë dorëzuar dokumentacionet, ku shumica e aplikantëve mbajnë postet nëndrejtorëve në Drejtoritë e qarqeve.
Sa i përket drejtuesve aktualë, deri më tani konfirmohet se kanë aplikuar:
-Ardian Çipa, aktualisht drejtues i policisë së Gjirokastrës.
-Alfred Elezaj, aktualisht drejtues i policisë së Lezhës.
-Tonin Vocaj, aktualisht drejtues i policisë Tiranë.
-Gjovalin Loka, aktualisht drejtues i Policisë Korçë.
-Skënder Hitaj, aktualisht drejtues i policisë Durrës.
-Ermal Muça, aktualisht drejtues i Policisë Vlorë
-Lorenc Panganika, aktualisht drejtues i Policisë së Fierit.
Ende nuk dihet se për çfarë drejtorie kanë aplikuar, atë aktualen që drejtojnë apo për në qarqe të tjera.
Deri tani konfirmohet që nga drejtuesit aktualë nuk kanë aplikuar në garë drejtuesi i qarkut të Shkodrës, Edmond Sulaj dhe ai i Beratit, Kastriot Skenderaj.
