Eurodeputeti Fredi Beleri është goditur me vezë pasi ka dalë nga Kryesia e Kuvendit. Një qytetar ka hedhur vezë ndaj tij, si edhe kos, pasi eurodeputeti ka dalë nga godina.
“I ka shpëtuar burgut me procedura, sepse duhet të ishte në burg. Ky ka vrarë gjithë ata njerëz, dhe ky vjen na bën karshillëk e na imponohet me ndihmën e europianëve. Ka vjedhur vota e dini të gjithë”, thotë protestuesi.
Po ashtu, një tjetër incident aspak i hijshëm është regjistruar tek Kryesia e Kuvendit, në momentin kur ka shkuar Fredi Beleri. Kryesia e Kuvendit i ka mbyllur derën Fredi Belerit duke e lënë për disa minuta në pritje.
Gjatë këtij momenti, Fredi Beleri është sulmuar nga një qytetar, i cili ndodhej i pranishëm aty, duke iu drejtuar e fjalët “A e mban mend Fatmir Shehun! Rrugaç! Turp të kesh, kush të bëri ty deputet!”.
Nuk dihet nëse ky ka qenë një plan i socialistëve për të “poshtëruar” Fredi Belerin, të cillit i rrëmbyen edhe mandatin e kryebashkiakut, që ai e fitoi me votat e qytetarëve.
