Janë zbardhur detaje të reja nga ngjarja e rëndë e regjistruar ditën e djeshme në Itali, ku një shqiptar i vra me armë zjarri.
Viktima është shtetasi Dritan Hakaj, 45 vjeç, ndërsa si autor i krimit akuzohet i moshuari italian Walter Budri, 78 vjeç.Ngjarja është regjistruar përpara banesës së pensionistit në rrugën Varese në Garbagnate Milanese, në veri të Milanos në Itali.
Mediat italiane shkruajnë se nga hetimet paraprake ka rezultuar se viktima kishte një lidhje jashtëmartesore me bashkëshorten e autorit, një 51-vjeçare shqiptare dhe për këtë shkak frekuentonte shtëpinë ku jetonte Budri me gruan e ti
Por në orën 3 të mëngjesit të 26 tetorit, 45-vjeçari shqiptar mbërriti i dehur në banesën e çiftit. Ai sulmoi gruan, përballë djalit të saj 11-vjeçar, të cilin e kishte pasur nga një lidhje e mëparshme. Në shtëpi ishte edhe bashkëshorti i saj, i cili me një pistoletë “Beretta 22” qëlloi dy herë në ajër për të trembur “të dashurin e gruas”.
Dritan Hakaj doli nga apartamenti dhe zbriti shkallët në tentativë për tu larguar, ndërkohë i moshuari e ndoqi me ashensor dhe të dy u takuan në katin e parë, ku ka pasur dhe një tjetër përleshje mes të dyve si dhe një plumb tjetër në ajër.
Katër gëzhoja pistolete janë gjetur në vendngjarje nga policia, ndërsa njëra ka goditur 45 vjeçarin në gjoks.
I moshuari është arrestuar për akuzën e vrasjes me dashje pasi në dëshminë e parë për policinë tha se e kishte qëlluar pas sherrit me 45 vjeçarin, ndërsa dha një dëshmi tjetër për prokurorët.
Edhe arma e cila mbahej pa leje nga i moshuari në shtëpi është sekuestruar. Ndërkohë janë marrë edhe dëshmitë e fqinjëve për të zbardhur rrethanat e plota të ngjarjes.
Viktima Dritan Hakaj ishte banues në Milano, i papunë, me precedentë në trafikun e drogës, prostitucionit dhe vjedhje.
