Deputetja e Partisë Demokratike Dhurata Çupi tha në MCN se në New York, protestuan qytetarët që e dinë që në Shqipëri nuk ka liri, demokraci dhe që kryeministri Edi Rama do të deformojë dhe votën e diasporën me këtë sistem zgjedhor dhe me këtë kontroll që i bën mediave mediave.
“Janë shqiptarët që e dinë që në Shqipëri nuk ka liri, demokraci, që s’ka zgjedhje të lira dhe të ndershme dhe që do të deformojë dhe votën e diasporën me këtë sistem zgjedhor dhe me këtë kontroll të mediave që i bën ky kryeministër. Janë shqiptarë që e njohin mirë realitetin në Shqipëri, janë shqiptarë që 10 vitet e fundit janë detyruar të lëvizin dhe të shpopullojnë vendin e tyre për shkak se këtu është një keqqeverisje, një pamundësi ekonomike etj.”
Sipas Çupit, 90% e ligjeve që kalojnë në Parlament janë të lobuara miratohen nën influencën e kreut të Qeverisë.
“Ligjet sot që kalojnë në Parlament, 90% e ligjeve përveç marrëveshjeve që janë detyrime ndërshtetërore, ligjet janë të lobuara, kryesisht të influencuara nga pushtetarë apo enturazhi përreth kryeministrit, biznesmenë që kanë interesa me ndryshimet e ligjit. Po i shohim në dosjet hetimore. Ka ligje që miratohen me influencën e kryeministrit.”
