Një magazinë me lëndë narkotike është zbuluar nga Policia e Korçës në fshatin Voskop.
Nga informacionet paraprake mësohet se janë arrestuar disa persona, identeti i të cilëve ende nuk dihet.
Burime bëjnë me dije se magazina përdore si vend për ta mbledhur drogën dhe më pas për ta shitur. Dyshohet se droga është mbledhur në tjetër vend dhe më pas sillej në magazinë ku thahej dhe më pas tregëtohej.
Gjithashtu, mësohet se brenda magazinës janë zbuluar edhe armë zjarri.
Pritet një komunikatë nga ana e Policisë së Korçës në lidhje me këtë operacion.
