Deputetja e PL-së, Monika Kryemadhi është rrikthyer në GKKO, ku zhvillohet seanca ndaj saj dhe ish-bashkëshortit, Ilir Meta, të cilët akuzohen për ‘korrupsion’, ‘pastrim parash’ dhe ‘mosdeklarim pasurie’.
Në pamje, Monika Kryemadhi shihet teksa futet në ambientet e gjykatës me duar në xhepa.
Gjyqi rinisi në orën 13:30, pasi seanca e parë e orës 09:30 u shty për shkak se 4 të akuzuarit dhe avokatët e tyre kërkuan të njiheshin me aktet e dosjes.
Kujtojmë që gjatë seancës së mëngjesit, presidenti i PL-së Ilir Meta u përplas ashpër me kreun e SPAK, Altin Dumani dhe prokurorët e çështjes.
Mësohet se Ilir Meta ka hedhur akuza ndaj tyre teksa ndodhej në sallën e gjyqit.
