Pamjet e arrestimit të dhunshëm të ish-Presidentit të Republikës, Ilir Meta duket se kanë rënë së sy dhe të ish-kryeministrit të Italisë, Matteo Renzi, dikur i konsideruar si mik i kryeministrit Edi Rama.
Teksa po fliste për televizionin La7 në Itali për ardhjen e refugjatëve afrikanë në Shqipëri, ai deklaroi se vendi ynë ka një “tjetër standard” për trajtimin e emigrantëve.
Gjatë bisedës ai përmendi arrestimin e Metës, ku tha se nëse ish-kreu i shtetit në Shqipëri tërhiqet në atë mënyrë, si mund të sillen në Shqipëri me refugjatët nga Bangladeshi.
Renzi: “Do t’i dërgojnë emigrantët në Shqipëri, një vend që siç e dimë ka standard tjetër. Kanë arrestuar tre orë më parë ish presidentin e Republikës së Shqipërisë, shikoni imazhet se si e tërheqin jashtë makinës, atë që ishte dikur president i Republikës, imagjinoje çfarë mund të bëjnë autoritetet shqiptare me emigrantët bangladeshas. Për emigrantët nga Bangladeshi ndoshta do të kenë më pak konsideratë”.
*Këtë deklaratë mund ta ndiqni në videon e mëposhtme nga minuta 05:07
