Qeveria italiane pritet të mblidhet këtë të hënë për të vendosur mbi dekretin ligjor, lidhur me çështjen e transferimit të migrantëve drejt Shqipërisë, kjo pas një marrëveshjeje të nënshkruar me kryeministrin Edi Rama.
Giorgia Meloni, në cilësinë e kryetares së qeverisë mbledh Këshillin e Ministrave, i cili në rend të parë të ditës ka çështjen e emigrantëve. Në një farë kuptimi, synohet t’i jepet sërish përparësi legjislacionit italian, duke nxjerrë një dekret ligjor që do të lejonte zgjerimin e listës së vendeve të konsideruara të sigurta, dhe për rrjedhojë rifillimin e përdorimit të qendrave shqiptare.
Kuptimi është të përcaktohet ligji, në mënyrë që të respektohet nga magjistratët dhe më pas të pritet një gjykim tjetër, ai i Gjykatës Kushtetuese. Por ndërkohë, nëse Bashkimi Europian është realisht i interesuar për politikat e zbatuara nga qeveria italiane, duhet të gjejë edhe mbulim europian për këtë zgjedhje. Njëmbëdhjetë prej tyre tashmë kishin rënë dakord dhe kishin marrë pjesë në takimin e thirrur nga Giorgia Meloni . E pranishme mes tyre ishte edhe kryetarja e Komisionit, Ursula Von der Leyen.
Kjo çështë ka ngritur shqetësimin edhe Brenda partive politike në Itali, teksa PD ka dalë kundër, duke akzuzuar Melonin se nuk njeh ligjet italiane.
Nga ana tjetër, presidenti Italian Sergio Mattarella është shprehur se institucionet nuk kufizohen në një vizion partiak. Sipas tij, me rëndësi është bashkëpunimi dhe kërkimi i pikave të përbashkëta, të cilat janë thelbësore për mirëfunksionimin e tyre dhe për shërbimin që i bëhet komunitetit.
“Midis institucioneve dhe brenda institucioneve, bashkëpunimi, kërkimi i pikave të përbashkëta, ndarja e zgjedhjeve janë thelbësore për mirëfunksionimin e tyre dhe për shërbimin që i bëhet komunitetit. Ka në veçanti momente në jetën e çdo institucioni, në të cilat nuk është e mundur të kufizohet në afirmimin e vizionit të vet për gjërat – thellimin e brazdave dhe kontrasteve – por është e nevojshme të dish të ushtrosh aftësitë e ndërmjetësimit dhe sintezës, është një pjesë thelbësore e jetës demokratike”./ Rai News.
