Është gjetur pa shenja jete një e moshuar në Elbasan, e cila ishte denoncuar e zhdukur që prej ditës së djeshme. Ajo kishte dalë nga banesa për të kullotur bagëtitë dhe nuk ishte kthyer më.
Autoritetet raportojnë se viktima është shtetasja M. Q., 82 vjeçe, e cila është gjetur pa shenja jete mëngjesin e sotëm nga uniformat blu në pyllin e fshatit Mjekës.
Raportohet se nga deklarimet e familjareve 82-vjeçarja dyshohet se vunate nga semundja e kujtesës (skleroza).
Policia deklaron se nga veprimet hetimore paraprake në vendngjarje, e moshuara dyshohet të ketë rreshkitur dhe rënë, për shkak të terrenit dhe si pasojë e dëmtimeve ka humbur jetën.
Ndaj trupit të pajetë të 82-vjeçares do të kryehet ekspertizimi mjeko-ligjor. Grupi hetimor po punon për dokumentinin me prova ligjore të ngjarjes.
