Manchester United ka mposhtur 2-1 Brentford në një ndeshje që vlen shumë për Ten Hag. Ky i fundit është në fije të perit përsa i përket shkarkimit, për shkak të rezultateve në këtë sezon.
Protagonistët absolut ishin dy talentet e sulmit, Alejandro Garnacho e Ramsus Hojlund, të cilët realizuan në minutat 47’ e 62’ të pjesës së dytë, për të nxjerrë “të pavlefshëm” golin e Pinnock, të realizuar në sekondat e fundit të pjesës së parë.
Fitore të mëdha arritën edhe Brighton e Aston Villa. “Pulëbardhat” mundën minimalisht 1-0 falë golit të Danny Welbeck Newcastle, ndërsa djemtë e Unai Emery fituan 3-1 transfertën e Fulham, me meksikanin Raul Jimenez që shënoi për vendasit, ndërsa Rogers, Watkins e Diop, ky i fundit me një autogol, menduan për triumfin e Aston Villa.
Ndërkaq, në përballje të tjera të javës së tetë të Premier League, Everton triumfoi me shifrat 2-0 transfertën e Ipswich, ndërsa Leicester përmbysi gjithçka ndaj Southampton, me “Dhelprat” që regjistruan suksesin 3-2.
Falë këtyre rezultateve, Aston Villa ngjitet në vendin e 4-t të tabelës, me 17 pikë, 1 më pak se Liverpool kryesues. Newcastle, Fulham e Manchester United pozicionohen në vendet 9, 10 e 11, me nga 12, 11 e 11 pikë.
Klasifikimi:
