Disa aksidente kanë ndodhur në Tiranë gjatë orëve të fundit, teksa një shofere ka mbetur e dëmtuar.
U raportua se dy aksidente kanë ndodhur brenda pak minutave në zonën e Shkozës në kryeqytet, teksa dy makina kanë dalë nga rruga në të njëjtin vend dhe kanë përfunduar në pjesën anësore të saj.
Sipas JOQ, njëri nga aksidentet ishte veçanërisht i rrezikshëm, pasi një makinë përfundoi duke “fluturuar në ajër” përpara se të binte, fatmirësisht, në bordurën pranë lumit Lana, dhe jo brenda saj. “Nuk e di, por në këtë aksidentin e fundit isha përqendruar me sy tek makina kur e pashë duke fluturuar në ajër,” shkruan dëshmitari.
Fatmirësisht, shoferja e përfshirë në aksident ishte e vetme në makinë dhe u transportua menjëherë për në spital nga një ambulancë që mbërriti në vendngjarje. Kalimtarët u mobilizuan për të ndihmuar të aksidentuarën, duke shmangur përkeqësimin e situatës.
Po ashtu një tjetër aksident ka ndodhur në zonën e Astrit, teksa një ‘Range Rover” është përmbysur. Gjithashtu nuk raportohet për të plagosur, ndërsa në vendngjarje ka mbërritur edhe policia.
