Tetë deputetë të opozitës i janë drejtuar me shkresë Komisionit të Etikës ku kërkojnë marrjen e masave disiplinore dhe përjashtimin nga aktivitetet parlamentare të tre deputetëve të mazhorancë, Plarent Ndreca, Ilir Metajt dhe Erion Braçes.
Gjithçka lidhet me sjelljen e tyre në komisionin hetimor parlamentar të koncesioneve në Shëndetësi. Sipas opozitës, Plarent Ndreca dhe deputetët e mazhorancës kanë ndërmarrë vendime të njëanshme, të padakordësuara, arrogante, të cilat kanë dëmtuar rëndë ecurinë e punës së komisionit.
Në shkresën e saj opozita ka renditur të gjitha shkeljet e kryera nga deputetët socialistë, duke nisur nga thirrja e mbledhjeve në mënyrë të njëanshme, mbledhje pa dëshmimtarë, apo edhe mbledhje pa dijeninë e opozitës.
Po ashtu, opozita pretendon për shkelje edhe vendosja e Gardës në dyert e sallës, moslejimi i deputetëve të opozitës për t’u futur në sallë apo nisja e mbledhjeve pa deputetët e opozitës të pranishëm dhe largimi i anëtarëve të mazhorancës me urdhër të Ndrecës.
Opozita pretendon se Ndreca zgjedh edhe sallat që bëjnë të mundur që kryetarja e komisionit, Albana Vokshi të mos e ketë nën kontroll dhënien e fjalëve, për shkak që të krijohet zhurmë.
Në shkresë thuhet se deputetët Plarent Ndreca dhe Ilir Metaj kanë përdor gjuhë fyese dhe denigruese ndaj kryetares së komisionit, ndërsa Erion Braçe, edhe pse nuk është anëtar i komisionit, ka hyrë disa herë në sallë dhe ka bërtirur dhe ofenduar.
SHKRESA E PLOTË:
