Mazhoranca duket se nuk ndalet në “çmendurinë” e saj për të tentuar me çdo mjet dhe mënyrë për të lënë opozitën jashtë Kuvendit dhe për të miratuar e qetë ligjet në interes të një grushti njerëzish.
Në seancën e sotme plenare, socialistët kanë dyfishuar numrin e gardistëve që kanë rrethuar Kuvendin, por jo vetëm kaq, por edhe e gjithë godina e parlamentit është rrethuar me kangjella hekuri.
Në lidhje me këtë akt të mazhorancës ka reaguar edhe kreu i grupit parlamentar të PD-së, Gazment Bardhi, i cili shprehet se Kuvendi nuk është burg dhe as qeli burgu.
Postimi i plotë:
Ky është Kuvendi i Shqipërisë sot në mëngjes! Dera kryesore e tij e rrethuar me hekura dhe me më shumë forca sigurie sesa deputetë.
Shqipëria bëhet kështu vendi i vetëm, që nga njëra anë është vend anëtar i NATO-s dhe vend kandidat për në Bashkimin Europian, dhe nga ana tjetër rrethon hyrjen kryesore të Kuvendit për ta mbrojtur nga deputetët “armiq”!
Kuvendi nuk është burg dhe as qeli burgu, edhe pse shumica e përfaqësuesve të mazhorancës qeverisëse duhet të ishte në burg dhe jo në atë sallë. Shndërrimi i Kuvendit në “qelinë e rrethuar me hekura” të Pëllumb Gjokës e të ngjashmëve të tij është një akt që turpëron Shqipërinë dhe çdo shqiptar!
