Kylian Mbappe po hetohet në Suedi për përdhunim pas një ankese ndodhur fundjavën e shkuar.
Tanimë ka zhvillime të reja nga kjo ngjarje, me sulmuesin e Real Madrid që ka pranuar se në Stochkolm ka pasur marrëdhënie konsensuale (mbrëmjen mes 10 dhe 11 tetorit).
Nëse më herët Mbappe i quajti lajmet si “fake news”, tanimë për herë të parë ai pranon marrëdhënien konsensuale, ndërsa mediet thonë se ankesa ka ardhur nga një tjetër grua.
‘Le Parisien’ u përpoq të ripërpunonte faktet, duke konfirmuar praninë e Mbappe në Stockholm me ftesë të ish-shokut të tij të skuadrës Mukiele, për të përfituar nga pushimi ndërkombëtar dhe për t’u larguar disa ditë nga rutina e zakonshme e vështirë e stërvitjeve dhe ndeshjeve.
