Një automjet është djegur gjatë natës në qytetin e Korçës. Ngjarja ka ndodhur rreth orës 00:30, në lagjen nr. 9 të qytetit juglimndor.
Burime zyrtare bëjnë me dije se automjeti që është përfshirë nga flakët është në pronësi të shtetasit D. Sh., teksa makina është djegur pjesërisht.
Autoritetet policore raportojnë se nga veprimet e para hetimore dyshohet për zjarrvënie të qëllimshme.
Grupi hetimor ka sekuestruar kamerat dhe po punon për identifikimin dhe kapjen e autorit.
