Policia ka reaguar për herë të parë në lidhje me ngjarjen e rëndë të shënuar në Marikë të Vorës, ku një i ri i indetifikuar si Xhuliano Shkurti, u plagos me plumb në këmbë.
Sipas policisë, të plagosur kanë mbetur edhe dy persona të tjerë, të cilët janë dëmtuar me sende të forta.
Po ashtu policia thekson se të tre këta shtetas ndodhen në spital, në kujdesin e mjekëve.
Njoftimi i policisë:
Vorë/Informacion paraprak
Më datë 15.10.2024, në një servis në Marikaj ka ndodhur një konflikt midis disa shtetasve. Gjatë konfliktit është dëmtuar në këmbë, dyshohet me armë zjarri, shtetasi Xh. Sh., 28 vjeç, dhe me sende të forta shtetasit A. M., 35 vjeç, dhe F. M., 37 vjeç.
Të tre këta shtetas ndodhen në spital, në kujdesin e mjekëve.
Shërbimet e Policisë po punojnë për shoqërimin e shtetasve të përfshirë në konflikt ndërsa grupi hetimor po punon për sqarimin e rrethanave të ngjarjes.
