Janë mbyllur 4 sfidat e zhvilluar mbrëmjen e sotme në Ligën A të Nations League. Në “Estadio Nuevo Arcangel”, Spanja e Luis de la Fuente shkatërroi me tre gola Serbinë.
Iberikët nuk e diskutuan aspak fitoren teksa fituan me golat e Laporte, Morata dhe Baena.
Në Varshavë, Polonia regjistroi barazimin 3-3 me Kroacinë, me golat për vendasit që u shënuan nga Zielinski, Zalewski e Szymanski, ndërsa Sosa, Sucic e Baturina shënuan për ballkanasit.
Barazim pa gola regjistroi Portugalia në transfertë me Skocinë, ndërsa Zvicra nuk mundi të regjistrojë fitoren e parë këtë edicion, duke u ndalur në barazimin 2-2 me Danimarkën, më golat për “Helvetët” që erdhën nga Freuler e Amdouni, ndërsa për Danezët shënuan Isaksen dhe Christian Eriksen.
Për sa i përket Ligës C, spikasin triumfet me rezultat të thellë të Irlandës së Veriut dhe Kosovës, ndërkohë që Rumania mposhti me përmbysje Lituaninë. Dueli mes Bjellorusisë dhe Luksemburgut u mbyll me shifrat të barabarta.
