Një çift të moshuarish N. M., 77 vjeç, dhe L. M., 73 vjeçe kanë mbetur të plagosur paraditen e kësaj të marte në Shkodër. Një 34 vjeçare ka përplasur me makinë motorin me të cilin po udhëtonte çifti.
Dy të moshuarit ndodhen në spital për ndihmë mjekësore, fatmirësisht raportohet se janë jashtë rrezikut për jetën.
“Rreth orës 09:00, në lagjen “Tre heronjtë”, shtetasja E. R., 34 vjeçe, me automjetin që drejtonte, ka përplasur motomjetin me drejtues shtetasin N. M., 77 vjeç, dhe pasagjere bashkëshorten e tij, shtetasen L. M., 73 vjeçe. Nga përplasja janë dëmtuar bashkëshortët, të cilët po marrin ndihmë mjekësore në spital, ku janë jashtë rrezikut për jetën.”– njofton policia.
Grupi hetimor po punon për sqarimin e rrethanave të këtij aksidenti.
