Një 25-vjeçar shqiptar është arrestuar nga Policia në Itali, pasi akuzohet për për veprën penale të posedimit me qëllim tregtimin e lëndëve narkotike.
Ai është vënë në pranga nga karabinierët e Perugias, stacioni Fortebraccio. Gjatë kontrollit, të riut iu gjetën disa doza kokainë, ndërsa në shtëpi iu gjetën edhe 180 gramë lëndë narkotike, materiale ambalazhi dhe 1500 euro para cash.
Më pas arrestimi është konfirmuar nga organi gjyqësor, i cili ka urdhëruar që i dyshuari të dërgohet në masën paraprake në burg. Shqiptari ishte një emër i njohur për policinë penale në lidhje me tregtimin e lëndëve narkotike.
