Prokuroria e Posaçme SPAK, ka vijuar me anullimin e tenderit të rradhës, ku edhe këtë herë shkak për dështimin e tenderit është bërë mospjesëmarja e asnjë subjekti tregtar që ka si aktivitet shërbimet dhe mirëmbajtjen e atomjeteve.
Fillimisht tenderi u hap në 29 korrik 2024, duke pasur si qëllim të kryhej remonti mekanik i flotës së automjeteve të prokurorisë së Posaçme.
Por faza e parë e këtij tenderi dështoi për shkak të mosparaqitjes së asnjë oferte. Të 7 lotet u anulluan në muajin shtator 2024. Ndërsa SPAK në 12 shtator, rihapi sërisht garën tenderuese, duke ftuar subjektet private të paraqiten me oferta konkrete.
Por ja që askush nuk u paraqit dhe në këtë fazë të ditë, duke sjellë vendimarjen e anullimit për herë të dytë të këtij tenderi. Të shtatë lotet ku ishte planifikuar servisi i 43 makinave të SPAK, dështuan.
Një burim pranë SPAK, tha për “Ora News” se tenderat e SPAK anullohen për shkak të mospjesëmarjes së operatorëve tregtarë, pasi këta të fundit shfaqin mjaft ankesa mbi kërkesat dhe llogarisë së vazhdueshme të administratës së SPAK.
“…në shumë raste ngatërohet procesi i shërbimit dhe blerjes së paisjeve mekanike, duke sjellë pakënaqësi për shkak të ritjes së kostove financiare për operatorët ekonomikë…”-thanë burimet për gazetarin Qyno.
Prokuroria e posaçme SPAK, pritet që brenda muajit Tetor të rihapë për të tretën herë këtë procedurë tenderuese me vlerë prej 152 milion lekë të vjetra, duke pasur sisynim të paisë me vaj, viltra dhe pjesë të tjera mekanike, flotën e automjeteve të saj.
Ky nuk është tenderi i vetëm që dështon në SPAK, për mospjesëmarjen e operatorëve ekonomikë.
Pasi disa ditë më parë prokuroria e posaçme anulloi tenderin 4 milion euro për mobilimin e zyrave të godinës së re, ndërtimin e disa shkallëve të brendshme dhe një tuneli ajror që do lidhë dy godinat.
Ndërkohë formula e paracaktimit të fituesit në procedurat tenderuese të SPAK, është një formulë që ka gjetur zbatim në thuajse 95 përqind të praktikave të hapura nga ana e kësaj prokurorie.
Kështu ka ndodhur për herë të parë me përzgjedhjen e kompanisë fituese që kreu punimet për rikonstruksioknin e objektit të ish-Prokurorisë së Krimeve të Rënda, që sot këto ambjente shfrytëzohen nga Prokuroria e Posaçme SPAK.
E njëjta gjë ndodh dhe me tenderat për furnizim me naftë, benzinë dhe vajra lubrifikantë, ku një kompani e vetme ka monopolin e fitimit të tenderave në SPAK.
Të mos flasim këtu për procedurat tenderuese që kryhen me negocim të drejtpërdrejtë, ku kompanitë selektohen dhe shpallen fituese në tavolinë, në bazë të miqësisë, kunjukturave klienteliste dhe rryshfetit.
Në këtë drejtim askush nuk e kontrollon SPAK, madje as vetë SPAK nuk kontrollon punonjësit e komisioneve të tij.
Në gati 5 vite funksionim, prokurorët dhe oficerët e SPAK, nuk kanë lënë institucion të shtetit (veç SHISH) pa hyrë dhe krehur tenderat apo ankandet publike, duke shkuar deri tek drutë e zjarrit të blerë nga Eduard Kapri në Pogradec.
Por çuditërisht gjatë kësaj kohe asnjë nga tenderat e zhvilluara nga SPAK, nuk është marrë në verifikim dhe nuk është hetuar./Ora News
