Një i moshuar rreth të 70- tave është përplasur nga një mjet në Lushnjë, në afërsi të rrethrrotullimit të Savrës.
I moshuari ishte duke ecur në këmbë në drejtim të Lushnjës, kur është përplasur nga një mjet, ndërsa drejtuesi i tij është larguar nga vendi i ngjarjes.
I moshuari ndodhet në spitalin e Lushnjes nën kujdesin e mjekëve, ndërkohë Policia dhe grupi hetimor ndodhen në vendgjarje për zbardhjen e rrethanave të aksidentit.
Policia e Lushnjës është vënë në kërkim të mjetit që shkaktoi aksidentin. Përgjatë aksit ka shumë biznese të pajisura me kamera, ndërsa grupi hetimor po kërkon pamjet që mund të çojnë në zbulimin e mjetit dhe autorit të aksidentit.
