Viti i ri akademik ka nisur me problematika të shumta, ku numri i studentëve është më i ulëti në histori, teksa shumë degë në Universitetin e Tiranës dhe në fakultetet e tjera kanë nga pak studentë, ose edhe aspak dhe janë në rrezik mbyllje.
Ndërsa në rrethe situata është edhe më dramatike, ku numri i studentëve ka shkuar gati edhe sa numri i pedagogëve.
Duke komentuar këtë situatë, gazetari Lutfi Dervishi ka ironizuar dhe situatën fatkeqe ku ndodhet arsimi shqiptar.
‘E lamë pas Harvardin
Në Gjirokastër ka 121 pedagogë, por vetëm 195 regjistrime këtë vit. Raporti 1 pedagog 1. 6 student
Në Harvard raporti është 1 pedagog 7 studentë’, shkruan Dervishi në një postim të tij në Facebook, duke ironizuar situatën e arsimit.
