Qytetarët e Kurbinit janë nisur drejt kryeqytetit për t’u bashkuar me protestën masive të organizuar nga opozita.
Kolonat e makinave të mbushura me qytetarë, të pajisur me flamuj dhe parulla, janë nisur në drejtim të Tiranës.
Përveç Kurbinit, qindra qytetarë nga Durrësi, Vlora, Fieri, Korça, Dibra dhe qytete të tjera po bashkohen në këtë protestë.
Protesta e sotme është pjesë e një zinxhiri tubimesh të opozitës, që kanë si synim të denoncojnë keqmenaxhimin e qeverisë, korrupsionin në rritje dhe cenimin e të drejtave demokratike.
