Mbi 1200 qytetarë janë nisur nga Elbasani për protestën kombëtare të opozitës që do mbahet në orën 18:00 në Tiranë.
Kryetari i PD së Elbasanit, Blendi Himçi, ka denoncuar ndalimin nga policia të aktivistëve të PD.
Himçi deklaron se Andi Mema, kryetari i grup seksionit të lagjes 5-maji, është shoqëruar në komisariat së bashku me 4 anëtarë të Partisë Demokratike të Elbasanit.
“Ka pasur një problematikë, kryetari i grup seksionit të lagjes 5-maji është shoqëruar në komisariat, Andi Mema, së bashku më katër anëtarë të Partisë Demokratike të Elbasanit. I bëj thirrje drejtorit të policisë së komanduar të mos provokojë demokratët, ta lirojë Andin dhe të mos përsërisin më të tilla metoda presionit” – tha Himçi për Syri tv.
