Sezonin e kaluar ishin goxha luftarak, mirëpo këtë edicion kanë zhgënjyer totalisht në fushën e blertë.
Lcce e Ylber Ramadanit ka humbur sërish në elitën e futbollit italian, teksa kësaj radhe është mundur në “Stadio Friuli”, nga “Bardhezinjtë” e Udinese, me rezultatin 1-0, duke vijuar të qëndrojnë në zonën e rënies nga kategoria.
Goli i vetëm i sfidës erdhi në minutën e vonë, të 75’-të, me mbrojtësin, Jordan Zemura, i cili realizoi një “perlë” nga goditja e dënimit, duke e lënë “gardianin” e portës së Lecces, Wladimiro Falcone të shtangur.
Falë këtij rezultati, Udinese vijon të qëndrojë mes katër më të mirave të Serie A, me bardhezinjtë që ngjiten në kuotën e 13 pikëve, vetëm 3 më pak se Napoli kryesues.
