Moti i keq ka përfshirë Durrësin gjatë paradites së sotme. Stuhi me erëra të forta dhe reshje të shumta shiu kanë krijuar probleme jo vetëm për kalimtarët, por edhe në qarkullimin e automjeteve.
Në rrugët e qytetit bregdetar ka prezencë të shtuar të ujit, siç ndodh gjithmonë pasi sistemi i kanalizimeve nuk përballon dot ujërat e shiut.
Lundrimi detar është ndërprerë për anijet e peshkimit, ndërsa tragetet nga Durrësi drejt Barit u nisën me 8 orë vonesë për shkak të dallgeve që shkonin 6 deri 7 ballë në detin Adriatik. Situata pritet të përmirësohet pas 24 orësh në Adriatik për lundrimet e mjeteve pa problem.
