Gjykata e Lartë nuk ka pranuar rekursin e bërë nga Jamarbër Malltezit.
Gjykata e lartë kishte pranuar të shqyrtojë me procedurë të përshpejtuar një ankim të Jamarbër Malltezit mbi dosjen “Partizani”, për të cilën pak ditë më parë iu komunikuan akuzat.
“Më 3 tetor Gjykata e Lartë, do të shqyrtojë padinë e radhës të Jamarbër Malltezit”, thuhej në njoftimin e GJL.
Ky i fundit është ankuar duke u bazuar në nenet 8/a dhe 110 të kodit të procedurës penale, ku flitet për administrimin e provave dhe memoriet dhe kërkesat e palëve.
Po ashtu Malltezi e ka bazuar ankimin edhe në nenin 43 të kushtetutës dhe nenin 6 të konventës evropiane të të drejtave të njeriut që lidhet me procesin e rregullt ligjor.
Për këtë ankim Gjykata e Lartë ka vendosur që të shqyrtohet në dhomë këshillimi me procedurë të përshpejtuar dhe sipas njoftimeve te fundit nuk e ka pranura anikimin e Malltezit.
Më herët Malltezi ka pretenduar se SPAK dhe GJKKO nuk kanë pranuar memo të paraqitura, dokumente por edhe një ekspertizë private që kundërshton pretendimet e organit procedues.
