Dy avion, një amerikan dhe një rus, rrezikuan të përplaseshin afër Alaskës.
Në pamjet e publikuara nga Komanda e Mbrojtjes së Hapësirës Ajrore të Amerikës së Veriut, avioni rus kalon shumë pranë F-16 amerikane. Incidenti raportohet në 23 shtator.
F-16 amerikan ishte vendosur në hapësirën ajrore përgjatë bregut të Alaskës për të gjurmuar një aeroplan tjetër rus, një bombardues TU-95, pasi kishte hyrë në zonën e identifikimit të mbrojtjes ajrore të Alaskës.
Piloti i Forcave Ajrore Amerikane u detyrua të ndërmerrte veprime të shpejta për të shmangur tragjedinë.
Për incidentin në ajër, SHBA akuzon Rusinë. “Sjellja e pilotit të Su-35 ishte e pasigurt, joprofesionale dhe shumë e rrezikshme”, tha gjenerali Gregory Guillot, komandant Komandës Veriore të SHBA-së.
