Fondi Monetar Ndërkombëtar ka shprehur vazhdimisht rezerva për kontratat e Partneritetit Publik Privat në Shqipëri, për shkak të transparencës, po edhe peshës në buxhet, por së fundmi ai ka përmbledhur në një raprot problematikat e këtyre kontratave, bashkë me vendet e rajonit.
Lidhur me gjetjet e këtij raporti eksperti i ekonomisë Gjergj Buxhuku u shpreh se kontratat e PPP nuk janë të thjeshta, por të shtrira në kohë. Ai tha se kontratat kanë vlerë të madhe financiare dhe risk të madh. Sipas tij, në BE përzgedhja e tyre bëhet në përputhje me zhvillimin afatgjatë, ndërsa në Shqipëri sipas tij kjo bëhet politikisht dhe jo në bazë të kritereve.
Buxhuku: Në fakt raporti thotë se si numri i kontratave kundrejt atyre të cilat janë në rajon dhe shtetet e konsoliduara demokratike si numër kontratash ata kanë më shumë se ne, problemi është se si peshë në buxhet, si vlerë totale ne e kemi më të lartë.
I bie që kontratat PPP të nënshkruara nga qeveria me të tretë kanë vlerë të madhe dhe në fund të fundit kjo ka të bëjë me riskun e këtyre kontratave sepse kontratat PPP nuk janë të thjeshta, janë kontrata afatgjatë dhe ato duke qenë se janë të shtrira në kohë angazhojnë buxhetin e shtetit në afatgjatë.
Pra ti e nënshkruan sot dhe ajo mund të vazhdojë në 3-4 qeveri. Po të shohim kontrata që ne lidhim kanë vlerë të madhe financiare dhe risk të lartë sepse në lojë është vlera e madhe. Kjo vjen nga fakti nga disa vlerësime që ka bërë raporti dhe që janë reale.
E para është përzgjedhja e këtyre kontratave, është një përzgjedhje konkurenciale, e dyta janë në përputhje me planet afatgjata të vendit, ndërsa këtu te ne ndodh që ne nuk i harmonizojmë me strategjitë përkatëse dhe tjetra përzgjedhjet janë politike.
Pra shteti shqiptar ka një shumë të caktuar për PPP në dispozicion dhe duhet të vijnë disa projekte në fusha të ndryshme dhe shteti shqiptar duhet të përzgjedhë se ku do i çojë këto para. Pra ti duhet të përcaktosh së pari përfitimet e investimit, por ne nuk e bëjmë. Problematike është dhe kur luan me disa lojtarë, në ndryshim nga vendet evropiane që e kanë të copëtuar. Situata është kaos, dhe këto nuk janë të paqëllimta.
