Ka zgjatur vetëm 25 minuta seanca e sotme plenare e cila u shoqërua me përplasje nga opozita.
Ndërsa kryeparlamentarja po njoftonte ndërprerjen e mandatit për deputetin e PD, Salianji, opozita shkaktoi kaos e tensione ku nuk mungoi përplasja e deputetëve demokratë me Gardën e Republikës.
Në fjalën e saj, Spiropali tha se njoftimi duhet t’i bëhet KQZ.
“Njoftoj vakancën për shkak të zbatimit penal të formë3s së prerë ndaj zotit Salianji dhe të bëhet njoftimi pranë KQZ”, tha Spiropali.
Spiropali u shpreh se ishte konsultuar dhe per rastin e Ervin Salianjit, nuk ishte nevoja per te mbledhur Keshillin e Mandateve dhe Imuniteteve.
Nderkohe qe tensionet kane vijuar dhe brenda seances, duke u pershkallezuar ne konfrontim me garden dhe goditjen me sende te forta.
Pasi u futën brenda kuvendit, ku edhe gjuajtën me sende të forta, ata morën karriget dhe dolën jashtë, duke i vendosur zjarrin.
I pyetur nga gazetarët nëse kjo do të thotë djegie mandati, Bardhi u përgjigj “jo”. Ai që i dogji njëherë mandatet – tha ai – e beri për tu shmangur nga beteja.
“Karriget tona janë të qytetarëve, Edi Rama ka djegur parlamentin. Ne dorëzojmë karriget tona, duke i djegur të parët. Ne jemi për qytetarët dhe për interesin e qytetarëve. Djegien e mandateve e bëri kush e beri dhe ishte shmangie nga beteja. Ne nuk shmangemi nga beteja, do na kenë përballë cdo moment”, tha Bardhi.
Pas deklaratave, deputetet e opozites i vune flaken karrigeve te tyre jashte Parlamentit.
Menjëherë pas përplasjeve, kryetarja e Parlamentit Elisa Spiropali e frikësuar ka njoftuar mbylljen e seancës së sotme parlamentare, pasi kjo e fundit nisi me tensione të forta ku protagonistë ishin deputetët e Partisë Demokratike.
Ky aksion i opozitës pati si arsyetim kryesor dënimin e Ervin Salianjit, me Partinë Demokratike që ka paralajmëruar më herët përgjigje të ashpër kundrejt qeverisë.
“Aktet tuaja do të kenë pasoja, madje dhe do të shqyrtohen”, tha Spiropali, e cila më pas mbylli seancën.
- U përjashtua nga Kuvendi, Noka: Opozita është në ballë të aksionit
Pas kaosit dhe tensioneve në Kuvend, ku deputetët e opozitës i vunë flakën karrigeve në oborrin përpara hyrjes në Parlament, u ndërpre seanca.
Pasi kryeparlamentarja Elisa Spiropali, vendosi që të përjashtojë Flamur Nokën nga Kuvendi, ky i fundit tha se këtë panoramë që u pa sot do jetë në çdo seancë.
Sipas Nokës, qeveria po tenton që të likuidojë opozitën ku ka burgosur disa eksponentë kryesor të saj.
Më tej ai theksoi se opozita fo të dalë në ballë të aksionit.
“Edi Rama duke sulmuar opozitën prej 3 vjetësh i ka vënë flakën Shqipërisë. Për interesat e xhepit të tij dhe oborrtarëve të tij. Ndaj ne jemi këtu për të kryer misionin e dhënë nga demokratët. Kemi 3 vjet që Rama na ka hapur luftë. Tentoi të na likuidojë dështoi, burgosi kryetarin e opozitës ka burgosur nënkryetarin e PBDNJ dhe tani burgosi Salianjin. Zgjidhje shikon dënimin me burg.
Kushdo që i nxjerr të palarat me drogën dhe lidhjet me krimin. Ne nuk ndalojmë, ta harrojë Rama që mund të bllokojë opozitën. Opozita është në ballë të aksionit. Ditën e hënë ora 6, pa ndalim kundër regjimit. Shqiptarët meritojnë një qeverisje të denjë. Do ti dalim zot këtij vendi. Të enjten dhe çdo parlamenti do jetë kjo panoramë. Nuk ka kompromis me mafien. Jemi në betejë. Qeveria teknike është zgjidhje. Me narko qeveri Shqipëria nuk ka paqe”, tha Noka.
- Paralajmërimet/ Baçi: Më 7 tetor do të “flasë” sovrani! Zhupa: Koha t’i vihet flaka sistemit!
Me përfundimin e seancës së sotme parlamentare pas vetëm 20 minutash, deputetët e Partisë Demokratike kanë paralajmëruar para mediave se aksioni i tyre do të vijojë edhe më tej.
Ina Zhupa u shpreh se shqiptarët do të jenë në rrugë në protestën e thirrur në datën 7 tetor, duke theksuar se “nëse nuk respektohen liritë dhe të drejtat e njeriut këtij sistemi do t’i dalë flaka”.
“Kur këto padrejtësi iu bëhen deputetëve të opozitës, tregon se shqiptarët sot kanë nevojë për mbrojtjen e opozitës. Shqiptarët do të jenë në rrugë në 7 tetor ora 18.00 që flaka do t’i dalë këtij sistemi nëse nuk respektohen liritë dhe të drejtat e njeriut”, u shpreh ajo.
Nga ana tjetër Luan Baçi u shpreh se Ervin Salianji do të vijojë fushatën për demokratët nga burgu.
Ai theksoi se kjo situatë ka nisur me arrestimin e Sali Berishës në fund të vitit 2023, ndërsa shtoi se në protestën e 7 tetorit “do të flasë sovrani”.
“Ata janë vandalët e korrupsionit. Na quajnë ne vandalë? Burgosën Ervin Salianjin. Salianji do ta vazhdojë fushatën edhe aty, bashkë me ne, ne nuk do të ndalojmë. Kjo ka filluar në 30 dhjetor 2023 me arrestimin e Sali Berishës. Që atë ditë duhet të kishim ndezur zjarr të gjithë vendin. Sot, arrestuan një deputet të PD, nënkryetarin e grupit parlamentar për fjalën e lirë, pse denoncoi një trafikant droge. Nga denoncimi i Ervin Salianjit trafikanti i drogës shkoi në burg në Romë me këmbët e tij. I vendosin emrin kallëzim të rremë, gjyqësor i Edi Ramës. Në 7 tetor do të flasë sovrani, nuk ka fjalime, do të flasin qytetarët” tha Baçi.
- Sula: Salianji është i burgosur i pastër politik! Qytetarët t’i bashkohen protestës
Deputeti i PD, Dashnor Sula tha se protesta e 7 tetorit do të jetë më madhështorja, ndërsa ftoi të gjithë shqiptarët që ti bashkohen.
Në një prononcim për mediat, pas përfundimit të tensionuar të seancës plenare, ku deputetët e opozitës dogjën karrigët, ai tha se “pika e fundit që derdhi gotën e ujit ishte burgosja e Ervin Salianjit”.
“Sot jemi të vendosur duke lënë gjithçka tutje, ndasi apo mendime të ndryshme dhe do të duhet e gjithë opozita dhe cdo qytetar duhet që ditën e gjënë më 7 tetor ti bashkohen protestës më madhështore.
Pika e fundit që derdhi gotën e ujit ishte dënimi dhe burgosja e nënkryetarit të PD, Ervin Salianji. Salianji është i burgosur i pastër politik, nuk është arrestuar, nuk është dënuar.
Do na fabrikojnë prova për të na arrestuar, por nuk duhet të kemi frikë. Kjo duhet të jetë nisja e ditës së protestave dhe pa ndalimi. Zjarri opozitar do të duhet të nisë sot”- tha Dashnor Sula.
