Nga Basir Çollaku
Pas akuzës 500 faqe falsifikimesh ndaj liderit të opozitës, Sali Berisha, burgosjes jashtë çdo ligji ekzistues të deputetit të PD, Ervin Salianji, dy të pandehurit e amnistuar Edi Rama dhe Erion Veliaj, ia behën krahaqafë tek pronari i drejtësisë së çreformuar shqiptare, siç i thonë ata vëllai Aleks Soros. Fotot e dala garonin kush ta shtërngojë më fort kumbarin e punëve të këqia për ne.
Sa herë dosjet shpërthejnë ata vrapojnë tek përqafimi majtistit me ndikim në Shtëpinë e Bardhë, përzgjedhësi çiftit garues kandidates presidenciale Kamala Harris, mikpritësi në banesë në takimin e përfolur nënshtrues, pak ditë më parë me kandidatin për zv presidentit, Tim Walz.
Pas nisjes së hetimeve nga kongresi për investimet e mundshme të Jared Kushner presidentit Trump kandidat për të rimarrë sërish të njëjtën detyrë, çifti Ramë-Veliaj u hodhën sërish në përqafimet e tutorit mbështetës.
Ardhjet e çdomuajshme në Tiranë të Aleksit, mirëbërësit në sanksionimin e Berishës, pjesëmarrjet e tij pa asnjë tagër në takime zyrtare të qeverisë e nëpër pjekje ndërkombëtare, pohojnë varësinë dhe kontrollin e çdo gjëje ndaj qeverisë e pushtetit në Tiranë.
E kanë dhënë Shqipërinë me qira te fondacioni Soros?
Kanë ata interesa ekonomike në Shqipëri e Kosovë?
Ishin draftues të idesë së ndarjes së Kosovës dhe Ballkanit të Hapur?
Eshtë fondacioni Soros pronar dhe financues i reformës së quajtur në drejtësi në Shqipëri?
Servilosen drekojnë e darkojnë Spakistët me Aleksin, kur Rama dhe Veliaj janë në zgrip për hetime kombëtare dhe ndërkombëtare?! !
Janë delfinë të Soros edhe majtas edhe djathtas në partitë politike?!
Duke përdorur ndikimin e madh të vëllait të sapomartuar në DASH, toleranca ndaj narkoshtetit të Ramës është e frikshme. Ribërja e drejtësisë, heqja nga duart kontrolluese të fondacionit, është emergjencë kombëtare. Heqja e duarve të tyre nga interesat e mëdha ekonomike, grabitja terrorizuese e Shqipërisë, është heqja e pushtimit.
Largimi duarve të tyre nga licenca e dhënë e plaçkitjes së zgjedhjeve është ulërimë shpëtuese për demokracinë. Janë lobe ndoshta edhe amerikane, ku janë hedhur shumë interesa të cilat, po shpopullojnë vendin tonë dhe e rikthyen në diktaturë. Diplomatë e politikanë evropianë me duart në qeset e Aleksit të mos zvarriten në brekushet e Ramës. Një Shqipëri pa Edi dhe Erion Sorosin, është rikthimi i saj aksionerëve hyjnorë, SHQIPTARËVE. Në të kundërt, ra ky mort e u pamë..
