Teuta rikthehet te fitorja dhe merr tri pikët në transfertën e Laçit.
Ndeshja e vlefshme për javën e shtatë të Kategorisë Superiore u vendos nga vetëm një gol.
Pavarësisht se takimi rezultoi goxha i “luftuar”, por edhe i tensionuar, durrsakët ia dolën që të gjejnë rrugën drejt rrjetës në minutën e 40’, me Beqjën që u dha avantazhin, por edhe fitoren miqve.
Në fraksionin mbyllës nga të dyja ekipet u tentua gjetja e golit, por kjo sfidë u mbyll me rezultatin 0-1.
Pas javës së shtatë të Kategorisë Superiore, te Laçi vazhdon kriza e rezultateve dhe tani renditet në vend të fundit me tre pikë, teksa Teuta ngjitet në vend të katërt me dhjetë pikë.
