Është zbardhur identiteti i shqiptarit që mbeti i plagosur me armë zjarri pasditen e kësaj të hëne në zonën e Omonias në qendër të Athinës në Greqi.
Raportohet se i plagosuri është shtetasi Florian Bajraktari, 36 vjeç nga Tirana. Ky i fundit në vitin 2006 është arrestuar për vrasje në bashkëpunim, ngjarje e ndodhur në Lasithiou, Greqi.
Ai është liruar me kusht në vitin 2018 dhe në vitin 2020 është arrestuar sërish në Kalithea të Athinës për lojëra fati.
Ndërkohë, plagosja e sotme ka ndodhur në kryqëzimin e rrugëve Kreta dhe Acominato. Rrethanat e ngjarjes janë të paqarta dhe nuk ka të dhëna as për autorin/ët. Në vendngjarje policia greke ka gjetur 7 gëzhoja.
I plagosuri Florian Bajraktari është dërguar në spital për të marrë ndihmë mjekësore dhe ndodhet jashtë rrezikut për jetën.
Policia greke ka nisur hetimet për zbardhjen e plotë të ngjarjes dhe identifikimin dhe kapjen e autorit.
