Partizani dhe Tirana do të përballen ditën e shtunë në orën 20:00 në “Air Albania”.
Një duel që vë përballë dy ekipet më me rivalitet në futbollin shqiptar dhe ku fitorja vlen më shumë se 3 pikë.
Gjithmonë përballjet mes “Demave” dhe bardheblutë kanë qenë të luftuara si në fushën e lojës ashtu edhe në tribuna, ku mbështetja e tifozëve nuk ka munguar asnjëherë.
Skuadra e Aleksander Veselinovic vjen në këtë përballje pas dy barazimimeve radhazi, ndërsa nga krahu tjetër të besuarit e Bledi Shkëmbit vijnë pas 5 barazimesh.
Statistika këto që tregojnë se kjo përballje do të jetë një “luftë” e vërtetë mes dy skuadrave. Ndërkohë nëse hedhim një sy nga duelet e të kaluarës vëmë re se Partizani prej 2 vitesh është i pamposhtur në derbi.
Në 7 përballjet e fundit mes tyre të kuqtë ia kanë dalë të triumfojnë në 5 derbi, ndërsa 2 prej tyre kanë përfunduar në barazim. Ndërkohë humbja e fundit në derbi ndaj Tiranës është më 2 tetor 2022.
Në atë takim bardheblutë do të triumfonin 2-0 ndaj të kuqve, ku Redon Xhixha do të shënonte dopietë.
Rezultatet e tetë ndeshjeve të fundit mes dy skuadrave:
