Tirana nuk ka pushim. Edhe pse ka luajtur dy ndeshje për pak ditë ajo sërish ishte sot në stërvitje.
Shkëmbi nisi punën për derbin ndaj Partizanit, ndeshje, të cilën Tirana nuk e fiton prej kohësh. Për sfidën e 21 shtatorit nuk do të jetë i gatshëm Florjan Përgjoni me lojtarin i cili ka probleme në këmbë.
Mbrojtësi i majtë do të jetë i gatshëm vetëm pas ndalesës së kombëtares, për të mos thënë në fund të muajit tetor ndërsa pjesa tjetër e lojtarëve të Shkëmbit është e plotë.
Fakt është që bardheblutë shkojnë si të pamposhtur në derbi, por edhe pa një fitore duke u ndalur në 5 barazime radhazi i fundit përballë Elbasanit mbrëmjen e djeshme.
Një “thriller” për Tiranën, që duhet të triumfojë me doemos pasi një humbje në derbi mund ta zbresë skuadrën në zonën e ftohtë dhe situata në këtë rast mund të bëhet tepër e zymtë për vazhdimësinë e kampionatit.
Derbi Partizani-Tirana luhet ditën e shtunë në orën 20:00.
