Argita Malltezi, vajza e ish-kryeministrit Sali Berisha ka zbuluar pagën që ka marrë gjatë vitit që punonte në UNMIK (Misioni i Organizatës së Kombeve të Bashkuara në Kosovë).
Ajo ka thënë se disa apartamente, kryesisht ato jashtë Shqipërisë janë blerë nga të ardhurat e saj dhe të bashkëshorti gjatë periudhës kur punonte për UNMIK në Kosovë.
Ajo është shprehur se merrte 91 mijë euro neto në vit, dhe se në UNMIK ka punuar 6 vite, afërsish një pagë të tillë ka pasur edhe bashkëshorti i saj, Jamarbër Malltezi.
“Kam mandatpagesa, të ardhurat kanë qenë nga rroga jonë në UNMIK dhe këto mandat pagesa janë të gjitha në dosjen e SPAK. Kam punuar 6 vjet në UNMIK, në vitin e parë të ardhurat e mia kanë qenë 91 mijë dollarë, neto.
E kam sot e kësaj dite çdo kontratë dhe vërtetim page, Abi pak më të ulët, por në këto marzhe. Të gjitha këto mandatpagesa i kam në ILDKP ndaj edhe i ka SPAK”, tha Malltezi në “Now” në “Euronews.al”.
