E ftuar në emisionin Now me Erla Mëhillin, Argita Malltezi, i është përgjigjur pyetjeve sa i takon përshpejtimit të procedurave të SPAK për krijimin e një grupi pune për pjesën e privatizimit të kompleksit “Partizani”.
Në fjalën e tij, gazetari Eni Ferhati duke ju drejtuar Argita Malltezit, u shpreh se duhet qartësuar se si në pak kohë u vendos një grup pune që do merrte në konsideratë kërkesat e ish-pronarëve të asaj toke.
Sipas tij, ka momente dhe hapësira ku SPAK mund të interpretojë më shumë dhe ka nevojë për sqarime të mëtejshme.
Më tej, në përgjigje të kësaj pikëpyetje të ngritur nga gazetari, Argita Malltezi u shpreh se SPAK nuk ka denjuar që në dosjen hetimore ndaj babit të saj të përfshinte një document që vërtetonte se privatizimi është bërë në kohën e qeverisë së Fatos Nanos e jo më vonë, në kohën e qeverisë Berisha.
“Shkresën që vërteton që privatizimi është bërë nga qeveria Nano dhe jo nga qeveria Berisha, ja kemi dorëzuar SPAK që në gusht të vitit 2023 kur bëm një kallëzim ndaj Taulant Ballës. Sot e kësaj dite SPAK nuk e ka future në dosje. Në faqen tre të akt akuzës thotë: Duket sikur procesi i privatizimit nisi nga mesi i 2005-ës dhe paragrafi tjetër thotë në vazhdim kur Berisha fitoi zgjedhjet, prat ë krijon idenë sikur e ka nisur Berisha, në fakt ka nisur nga qeveria Nano,” -u shpreh Malltezi.
