Në ndeshjen me Bylisin, dy zëvendësues bënë paraqitje të mirë te Tirana teksa bëhet fjalë për Haxhiun dhe Ndrecën.
Të dy lojtarët mund të shpërblehen nga trajneri Shkëmbi dhe ta nisin titullar të hënën ndaj Elbasanit. Një lëvizje tjetër e pritshme në formacionin bardheblu është që Dembele ta nisë takimin nga pankina ndërsa në vend të tij do të luajë Meta. Pjesa tjetër e skuadrës pritet të jetë e njëjtë si në sfidën me Bylisin.
Tirana ndaj Bylisit mori barazimin e katërt rresht në katër javë kampionat. Një nisje gri e sezonit që ka anën e mirë të saj, por edhe anën e errët.
Për ata që nuk e dinë, Tirana është skuadra që ende nuk ka njohur shijen e humbjes, por as të fitores. Bardheblutë janë ekipi i pamposhtur në Kategorinë Superiore.
Asnjë skuadër tjetër nuk rezulton të jetë e pamposhtur në këtë kampionat dhe së bashku me Laçin nuk ka fituar një ndeshje në 360 minuta lojë zyrtare.
