Një aksident automobilistik është regjistruar pasditen e kësaj të shtune ë lagjen “Dëshmorët e Kombit, përballë Varrezave të Dëshmorëve, ku dy automjete janë përplasur me njëri-tjetrin.
Mësohet se makinat e përfshira në aksident janë një automjet tip “Mitsubishi” me targa “AA 020 CT” dhe një automjet tip “Mercedes Benz” me targa “AB 753 KY”, të cilët në momentin e aksidentit kanë qenë duke lëvitzur në të njëjtin sens drejtimi.
Si pasojë e aksidentit mësohet se nuk ka persona të lënduar, por vetëm dëme materiale, ndërkohë që u bllokua edhe për disa minuta qarkullimi në këtë aks.
Shkak i aksidentit dyshohet të ketë qenë lagështira në rrugë. Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
