Komisioni Qendror i Zgjedhjeve do të mblidhet këtë të enjte për t’i dhënë zyrtarisht Vangjel Tavos, mandatin e kryetarit të Bashkisë së Himarës.
KQZ do të mblidhet sot në 10:30 për t’i dhënë mandatin Tavos, duke i hapur kështu rrugë betimit në Këshillin Bashkiak.
“Komisioneri Shtetëror i Zgjedhjeve zhvillon seancë publike ditën e Enjte, datë 12 shtator 2024, ora 10:30.
Rendi i ditës: Çështje për shqyrtim rishtas: Projektvendim “Për dhënien e mandatit të Kryetarit të Bashkisë Himarë, Qarku Vlorë z. Vangjel Tavo, i propozuar nga subjekti zgjedhor “Partia Socialiste e Shqipërisë”, për zgjedhjet e pjesshme për Kryetar të Bashkisë Himarë të datës 4 gusht 2024’.”- thuhet në njoftim.
Zgjedhjet e 4 gushtit në Himarë janë certifikuar tashmë nga KAS dhe Kolegji Zgjedhor, që vlerësuan se rezultati është i pakontestueshëm, pasi nuk është konstatuar asnjë shkelje që mund të ndryshojë rezultatin e dalë pas numërimit të 36 kutive të votimit.
