Një automjet zjarrfikës është përfshirë në një aksident automobilistik pasditen e kësaj të mërkure, rreth orës 18:20 në fshatin Vukatanë të Shkodrës.
Autoritetet policore raportojnë se shtetasi K. M., 30 vjeç, duke drejtuar automjetin zjarrfikës, dyshohet se ka humbur kontrollin mbi drejtimin e automjetit dhe automjeti ka dalë nga rruga.
Si pasojë e aksidentit kanë mbetur të plagosur, jashtë rrezikut për jetën, shtetasit K. M. dhe R. K., ( punonjës të shërbimit zjarrëfikës).
Grupi hetimor po punon për sqarimin e rrethanave dhe shkakut të daljes nga rruga.
