Një aksident me pasojë vdekjen ka ndodhur në Fushë Arrëz.
Sipas policisë bëhet me dije se mëngjesin e sotëm një shofer ka humbur kontrollin e mjetit dhe për pasojë ka dalë nga rruga, në vendin e quajtur “Laku i Ballcit”. Për shkak të plagëve të rënda shoferi i identifikuar si Shkelzen Lleshi ka humbur jetën.
Burimet mediatike bëjnë me dije se për shkak të dëmtimeve të automjetit trupi i 40-vjeçarit mbeti i bllokuar në makinë, ndërkohë zjarrfikësit po punojnë për nxjerrjen e trupit.
“Fushë Arrëz. Rreth orës 07:30, në aksin rrugor “Kryezi-Iballë”, në vendin e quajtur “Laku i Ballcit”, shtetasi Sh. Ll., 40 vjeç, duke drejtuar automjetin, dyshohet se ka humbur kontrollin, dhe si pasojë automjeti ka dalë nga rruga. Për shkak të dëmtimeve, shtetasi Shkelzen Lleshi ka humbur jetën”, njofton policia.
Grupi hetimor po punon për sqarimin e rrethanave të aksidentit.
