Komisioni për Çështjet Ligjore, Administratën Publike dhe të Drejtat e Njeriut, është shoqëruar me përplasje mes anëtarëve, kryesisht pas deklaratës së demokratit Oerd Bylykbashit.
“Hajdeni tek lala se ju sistemojmë ne”, ishte deklarata e Bylykbashit e cila i referohej aplikimeve për certifikatat e pronësisë, dhe solli reagimin e ministres së Ekonomisë, Anila Denaj.
Bylykbashi: Për të gjithë ata që kanë këtë hall nuk e kuptojnë sigurinë juridike. Ju i fusni edhe një herë, është term pak kështu, “hajdeni tek lala edhe një herë sepse ju sistemojmë ne”. Është mekanizëm tipik korruptivë. Mirë ata që janë në hall.
Denaj: Aplikimi i të gjithë procesit që vjen pas të aprovimit ligjor është online së pari. Çdo përmirësim rregullator që ky komision do të sjellë është i mirëpritur. Duhet të njihni si ndodh kjo. Edhe kjo thirrje “ke lala ta harroni”, pyesni një herë. Keq t’i marrësh keq të mos i marrësh.
Gjatë kësaj kohe ka pasur edhe ndërhyrje nga Gazment Bardhi, i cili foli me zë të lartë gjatë Komisionit të ligjeve.
